Русский Қазақша

ЖАЛАҒАШ АУДАНЫ

Әкімдігінің ресми интернет - ресурсы

ІЗДЕУ
Аудан
Билік
Құқық
Экономика
Бизнес
Инфрақұрылым
Қоғам
Мем. қызметтер
Байланыс
Әкім блогы
Анықтама
Сайт картасы Аудан әкімі аппараты
Аудан
Билік
Құқық
Экономика
Бизнес
Басты бет Блог

Жалағаш ауданы әкімдігінің ресми веб-порталына қош келдіңіздер!

Итерактивтік ресурс әкімшілік тосқауылдарды азайтуға, мемлекеттік органдардың жұмысын бақылауды күшейтуге, халыққа қызмет көрсетудің сапасын арттыруға себін тигізетініне, пайдалы әрі қызықты болатынына сенімдіміз.

Өздеріңізді толғандырған сұрақтарыңызды қойып, тілектеріңізді қалдыруды және ой-пікірлеріңізбен бөлісуді ұсынамыз.

25.04.2020 Категория: Жалпы мәселелер

Жанабатырова Айсулу Акылбековна :

Вопрос:

Саламатсыз ба, Кызылордага пропуск алу ушин кандай кужат керек? Денсаулыгым жагдайы бойынша Кызылордага 1 кунге барып келуим керек.

24.04.2020 Категория: Денсаулық сақтау

Ахметова Наргиза Арыстанқызы:

Вопрос:

Құрметті Жалағаш әкімдігі мен сіздерге шағым бергім келіп отыр.Мені жүктілігім 20апта болды.УЗИ түсу уақытым келді.жолдың жабық болғаны кедергі болып отыр 2ай болды жалағаштың емханасына көрінбегеніме.Узи жұмыс жасамайды Ең болмағанда емхана ішінде Узи бөлімі жұмыс істесе екен бырыңғай ақылы түсіп жүрмін.Ең болмаған тегін Узи болмасада ақылы узи жұмыс жасаса екен Өтініш сізден болашақ жас анамын құрсақтағы балам үшін уайымдаймын.Мен алдыңғы балам түсік болғандықтан тағыда баламнан айырылғым келмейді бей жаи қарамауыңызды сұраймын.Қаракеткен ауылында тұрамын.Сізде барлық үмітім жауабыңызды асыға күтемін.

Ответ:

ҚР ДСМ 19.09.2013 ж №18 клиникалық хаттамалар бойынша жүктілік кезінде УДЗ зерттеулері 10 – 14 апта, 20 – 24 апта, 30 – 34 апта аралығында жүргізілуі тиіс. Күнделікті бақылауды ауылдық акушерка жүргізеді, қажетті жағдайда акушер – гинеколог кеңесіне жіберіледі.

Республика бойынша Төтенше жағдайға байланысты, емханада тар буынды мамандар жұмысы тоқтатылды (оның ішінде УДЗ). Акушер – гинеколог дәрігерлер онлайн режимінде жұмыс жасауда.

      

 

Жалағаш аудандық ауруханасы

бас дәрігерінің ана мен бала

денсаулығын қорғау жөніндегі

орынбасары                                                                               А. Сулекеева

 

***

 

«Жеке  және  заңды  тұлғалардың  өтініштерін  қарау  тәртібі  туралы» Қазақстан Республикасының 2007  жылғы 12 қаңтардағы  Заңына сәйкес  өтінішті  объективті  және  жан-жақты  қарауды   қамтамасыз  ету  мақсатында  зерттеу  жұмыстары  жүргізіліптөмендегідей  анықталды.

Қаракеткен дәрігерлік амбулаториясының жалпы тәжірибелік дәрігері А.Ж.Оразалиеваның берген түсініктемесінің негізінде азаматша Н.Ахметованың УЗИ-ға түсу уақыты 18-20 аптада карантин уақытына байланысты 13.03.2020 -04.05.2020 ж аралығында емхананың УЗИ кабинеті жабық болған.

05.05.2020 жылдан УЗИ кабинеті жұмыс жасауына байланысты азаматша Н.Ахметованың 2020 жылдың 6 мамырына УЗИ кабинетке тіркелген.

 

              Қаракеткен ауылдық округінің әкімі         Қ.Өлментай

01.04.2020 Категория: Жалақыға қатысты қарыздар

Сарсембаева Кенішкүл Сарсембайқызы:

Вопрос:

Жалағаш ауданының әкімі Шаменов Асылбек Өмірбекұлына Мен, Сарсенбаева Кенишкүлден өтініш. Келген қадамың құтты болсын балам. Үлкен атаңның жолын берсін! Менің өтінішім- бұрын бірнеше мәрте айтылып, арыз жазылған Айтеке би көшесінің Сопбеков пен Алмагамбетов көшесі аралыгының тас жол төселмеген. Жалагаш құрылғалы асфальт көрмеген. Менің жасым қазір 83те.1960 жылдан бері осы көшеде тұрамын,осы уақытқа дейін асфальт көрген жоқпыз.Жас кадр,өзімізден шыққан саған артар үмітіміз көп, басқа алдыңғы әкімдерден ешқандай көмек болмады.

Ответ:

Жалағаш ауданы, Жалағаш

кенті, Әйтеке би көшесі №103 үй

 тұрғыны К.Сәрсембаеваға

Әйтеке би көшесіне жөндеу

жұмыстарын жүргізу жөнінде


«Жеке және заңды тұлғалардың өтініштерін қарау туралы» Қазақстан Республикасының 2007 жылғы 12 қантардағы №221 Заңына сәйкес, Сіздің жоғарыда көрсетілген аудан әкімі А.Ө.Шаменовке жазған өтінішіңізге байланысты мына жағдайды жеткіземін.

Қазақстан Республикасындағы жергілікті мемлекеттік басқару және өзін-өзі басқару туралы Қазақстан Республикасының 2001 жылғы 23 қаңтардағы N148 Заңының 33, 35 - баптары аясында әкімнің құзыреті қарастырылған.

Көтерілген мәселені объективті және жан-жақты қарауды қамтамасыз ету мақсатында зерттеу-зерделеу жұмыстары жүргізіліп, төмендегідей анықталды.

Жалағаш кенті бойынша жол жөндеу жұмыстары кезең-кезеңімен жүргізіліп келеді. Әйтеке би көшесіне жөндеу жұмыстарын жүргізу жобалық сметалық құжаттамасы жасалынды. 2020 жылы жөндеу жұмыстары жүргізіледі деп жоспарланған. Қазіргі уақытта тиісті қаражат бөлініп, мемлекеттік сатып алу құжаттарын рәсімдеу жұмыстары жүргізіліп жатыр. Үстіміздегі жылы Әйтеке би көшесіне толығымен жөндеу жұмыстары жүргізілетін болады.

Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қантардағы Заңына сәйкес лауазымды тұлғалардың іс-әрекетіне (әрекетсіздігіне), сондай-ақ субъектінің шешімдеріне бағыныстылық тәртібімен жоғары тұрған лауазымды тұлғаға немесе субъектіге, жеке немесе заңды тұлғаға тиісті субъектінің заңды тұлғаның іс-әрекет жасағаны не шешім қабылдағаны туралы белгілі болған кезден бастап, үш айдан кешіктірілмей шағым беруге құқылы екендігіңіздерді түсіндіремін.

Жоғары тұрған лауазымды тұлға немесе субъект болмаған не арыз берушi қабылданған шешiммен келiспеген жағдайда арыз тiкелей сотқа берiледi.


Жалағаш ауданы әкімінің

орынбасары                                                                                        А.Дәрібаев


Орындаған: Г.Телибаев

Тел: 32-6-73

14.02.2020 Категория: Жалақыға қатысты қарыздар

Утегенова Айша Зейнуллаевна:

Вопрос:

Сәлеметсіз бе! Құрметті Қайратбек Әубәкірұлы. Мен, Утегенова Айша Зейнуллаевна Жалағаш кенті Ө.Тұңғышбаев көшесі №27 үй тұрғынымын. Мен "Дипломмен ауылға бағдарламасы" бойынша 2013 жылы қазан айында ауыл шаруашылық бөліміне барып тіркелдім. 2016 жылы мамыр айында тұрғын үй сатып алу үшін бағдарлама бойынша несие алдым және үй сатып алдым. Енді айтпағым, бір жолғы көтерме жәрдемақыны 2013 жылдан бастап 2020 жылдар аралығында ала алмай келемін. Мекемеге барсам, ол жақтағы мамандар кезегін әлі келген жоқ деп қайтарады. Орын толып кетті, жергілікті бюджетте ақша жоқ дейді. 2020 жылы ақпан айында бір жолғы көтерме жәрдемақы алу үшін Халыққа қызмет көрсету орталығына барып құжат тапсырдым. Оның шешімі наурыз айының 17-не белгілі болады деді. Қорыта айтқанда, осы жылғы кезектен қалып қоймасам екен тағыда. Соған орай, өтінішім оң нәтижесін берсе екен деймін. Осы жолғы кезекті беру тізіміне ілінсем деймін. Осы өтінішімнің орындалуын қалаймын және соны басшылыққа алсаңыз деймін.

Ответ:

Сіздің Жалағаш ауданы әкімідігінің интернет-ресурсына 2020 жылғы 3 наурыздағы аудан әкімі Қ.Сәрсенбаевқа жазған өтінішіңізге сәйке аудандық ауыл шаруашылығы бөлімі төмендегіні хабарлайды. Сіз 2020 жылдың 6 ақпанында әлеуметтік қолдау шараларын (көтерме жәрдемақы) алуға Халыққа Қызмет Көрсету Орталығына құжат тапсырғансыз. Сіздің құжатыңыз 2020 жылдың 20 ақпанында әлеуметтік қолдау шараларын алу үшін комиссия қарауына ұсынылды. Комиссия мүшелері құжаттарыңызды заңдылыққа сәйкес қарап әлеуметтік қолдау шарасын алуға жіберілді. Комиссия шешімімен әлеуметтік қолдау шаралары реттілігімен берілетінін хабарлайды.

«Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы Заңына сәйкес лауазымды тұлғалардың іс-әрекеттеріне (әрекетсіздігіне), сондай-ақ субьектінің шешімдеріне бағыныстылық тәртібімен жоғары тұрған лауазымды тұлғаға немесе субьектіге, жеке немесе заңды тұлғаға тиісті субьектінің немесе заңды тұлғаның іс-әрекет жасағаны, не шешім қабылданғаны туралы белгілі болған кезден бастап үш айдан кешіктірілмей шағым беруге құқылы екендігіңізді түсіндіремін.

09.02.2020 Категория: Жалақыға қатысты қарыздар

Хайрулла Айбек Болатбекұлы :

Вопрос:

Құрметті Қайратбек Әубәкірұлы!!! Мен Хайрулла Айбек Болатбекұлы Бұқарбай батыр ауылы тұрғынымын. Қазіргі таңда Қазанғап атындағы Қызылорда музыкалық колледжінің Академиялық ән салу мамандығы бойынша 4курс бітіруші студентімін.Осы уақытқа дейін облыстық мәдени іс шараларға белсене араласа отырып көптеген жетістіктерге жетіп үлгердім.Республикалық, халықаралық конкурстардың жүлдегері болдым. Атап айтар болсақ Астана қаласы музыкалық коллеждер арасындағы Республикалық орындаушылар конкурсы 1орын 2019ж. Орал қаласы Ж. Рахимова атындағы халықаралық вокалистер конкурсы 2 орын 2019ж. Мәскеу қаласында өткен С. Лемешев атындағы халықаралық вокалистер конкурсы Бас жүлде игері 2019ж. Төлепберген Әбдірашев атындағы облыстық вокалистер кокурсы 2орын 2018ж Облыстық дельфи ойындары 1орын 2019ж. Осындай жетістіктермей тоқтап қалмай жоғарғы оқу орнына түсіп ары қарай оқуымды жалғастырып өңіріміздің атын әлемге танытсам деймін. Осы орайда наурыз айының 2020жылдың 22-30 аралығында Ресейдің Санкт-Петербург қаласында өтетін Борис Штоколов атындағы халықаралық вокалистер конкурсына қатысуыма қаржылай демеушілік етуіңізді сұраймын. Құрметпен Қазанғап атындағы Қызылорда музыкалық жоғары колледжнің 4курс студенді Айбек Хайрулла!!!

25.01.2020 Категория: Жалпы мәселелер

Садуақасова Перуза Алпысбайқызы:

Вопрос:

Салеметсизбе.Сурайын дегеним мен 2 группа инвалитпин козден.2 балам бар ажырасканмын.Прапискам Жалагаш Изтелеуов 8де куйеуимнин уйндемиз .Казирги танда Байконыр каласында аренда патерде турып жатырмыз.Бұяқтан прапискадан шыккасын кайта туру кыйын болып тұр.Сол себепти Кызылорда каласынан патер жонинде комек берсениздер.

Ответ:

                                                                                                     Байқоңыр қаласы,

                                                                      Глушко көшесі 6/13 пәтер тұрғыны 

                                                                                                  Садуақасова Перуза

                                                                                                      Алпысбайқызына


2020 жылғы 25 қаңтар күні Жалағаш ауданы әкімдігінің http://www.zhalagash.gov.kz  интернет-ресурсына жолдаған Қызылорда қаласынан пәтер бөлу туралы өтінішіңіз бойынша төмендегіні хабарлаймын.

 «Жеке  және  заңды  тұлғалардың  өтініштерін  қарау  тәртібі  туралы» Қазақстан Республикасының 2007  жылғы 12 қаңтардағы  Заңына сәйкес  өтінішті  объективті  және  жан-жақты  қарауды   қамтамасыз  ету  мақсатында  зерттеу  жұмыстары  жүргізіліп,  төмендегідей  анықталды.

«Тұрғын үй қатынастары туралы» Қазақстан Республикасының 1997 жылғы 16 сәуiрдегi №94 Заңының (әрі қарай Заңның) 67-бабының 1-тармағына сәйкес

          «Коммуналдық тұрғын үй қорынан тұрғынжайлар немесе жеке тұрғын үй қорынан жергілікті атқарушы орган жалдаған тұрғынжайлар осы елді мекенде тұрақты тұратын, тұрғын үйге мұқтаж Қазақстан Республикасының азаматтарына пайдалануға беріледі. Қазақстан Республикасының азаматтарын республикалық маңызы бар қалаларда, астанада есепке қою үшін кемінде үш жыл тұрақты тұруы талап етіледі.»

Сол себептен, Қызылорда қаласынан пәтер алу үшің, ең алдымен, Қызылорда қаласының коммуналдық тұрғын үй қорынан немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтардың тұрғын үй алу кезегіне тіркелу қажет. Сіздің жағдайыңызда тұрғын үй алу кезегіне «толық емес отбасы» немесе «2 топ мүгедегі» ретінде тіркелуге болады.

         Тұрғын үй алу кезегіне тіркелу үшін  Қазақстан Республикасы Ұлттық экономика министрінің 2015 жылғы 9 сәуірдегі № 319 бұйрығымен бекітілген «Мемлекеттік тұрғын үй қорынан берілетін тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке алу және кезекке қою, сондай-ақ жергілікті атқарушы органдардың тұрғын үй беру туралы шешім қабылдауы» мемлекеттік көрсетілетін қызмет стандартының 2-тарауы 9-тармағына сәйкес құжаттар  Халыққа  қызмет  көрсету орталығы  арқылы   немесе e-gov.kz  электронды Үкімет  порталы  арқылы тиісті жергілікті атқарушы органға жолданады. Тапсырған   құжаттар Қазақстан Республикасы заңнамасымен белгіленген  талаптарға  сәйкес  келетін  болса, өтініш беруші мемлекеттік тұрғын үй қорынан берілетін тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтардың тұрғын үй алу кезегіне  тіркеуге алынады.

Бұл ретте, Қызылорда қаласынан тұрғын үй (пәтер) беру шешімі Қызылорда қаласының жергілікті атқарушы органдарымен қабылданады.

Сондай-ақ, «Қазақстанның тұрғын үй құрылыс жинақ банкі» АҚ Қызылорда филиалымен тұрғын үй алу кезегіне тіркелген көп балалы отбасыларға, толық емес отбасыларға, мүгедек баласы бар отбасыларға «Бақытты отбасы» бағдарламасы аясында тұрғын үй сатып алуға төменгі пайыздық мөлшермен несие берілуде (несиелеу мерзімі – 19 жылға дейін, бастапқы жарнасы – 10%, жылдық өсімі – 2 %).

Толық ақпаратты тікелей «Қазақстанның тұрғын үй құрылыс жинақ банкі» АҚ Қызылорда филиалынан алуға болады (менеджер Д.Ниятов тел. 87768970989).

         «Жеке  және  заңды  тұлғалардың  өтініштерін  қарау  тәртібі  туралы» Қазақстан Республикасының  2007 жылғы 12 қаңтардағы  Заңына  сәйкес  лауазымды  тұлғалардың  іс-әрекеттеріне (әрекетсіздігіне), сондай-ақ  субъектінің  шешімдеріне  бағыныстылық  тәртібімен  жоғарғы лауазымды  тұлғаға  немесе  субъектіге, жеке немесе заңды  тұлғаға  тиісті  субъектінің  немесе  заңды  тұлғаның  іс-әрекет  жасағаны не шешім қабылдағаны  туралы  белгі болған  кезден бастап, үш  айдан  кешіктірілмей  шағым  беруге  құқылы  екендігіңізді  түсіндіремін.



 Аппарат басшысы                                           М.Құрақбаев


@: Ө.Елеусінов

тел. 8 (724 31) 31 3 35

25.12.2019 Категория: Жалақыға қатысты қарыздар

Бекетова Майя :

Вопрос:

Құрметті Қайратбек Әубәкірұлы. Жалағаш кенті, Желтоқсан көшесі №2 үй тұрғындары атынан төмендегі шағымымды білдіремін. Жалағаш аудандық электр торабы мекемесі өз міндеттемелерін толыққанды атқармай отыр, яғни тұтынушыларға электр тогын жеткізіп бергенімен оның сапасы ешқандай сын көтермейді. Атап айтқанда, тұрмыстық жағдайда қолданылатын электр тогының қуаты 220-250 вольт болуы тиіс болса, қазіргі таңда ток қуаты өте төмен болып, электр құрылғылар мүлдем жұмыс жасамайды. Сондықтан Сізден Жалағаш аудандық электр торабы мекемесі басшылығына өз тарапыңыздан ықпал етуіңізді сұраймын.

Ответ:

Жалағаш кенті,

 Желтоқсан көшесі №2/6 пәтер тұрғыны  Бекетова Майяға

           

 2019 жылғы 25 желтоқсан күні Жалағаш ауданы әкімдігінің http://www.zhalagash.gov.kz  интернет-ресурсына тұрғын үйде электр тоғы қуатының төмендігіне байланысты жолдаған өтінішіңіз бойынша төмендегіні хабарлаймын.

 «Жеке  және  заңды  тұлғалардың  өтініштерін  қарау  тәртібі  туралы» Қазақстан Республикасының 2007  жылғы 12 қаңтардағы  Заңына сәйкес  өтінішті  объективті  және  жан-жақты  қарауды   қамтамасыз  ету  мақсатында  зерттеу  жұмыстары  жүргізіліп,  төмендегідей  анықталды.

Сіздің өтінішіңіз бойынша аудандағы электр қуатын жеткізіп беруші мекеме -  «Қызылорда электр тарату тораптары компаниясы» АҚ Жалағаш аудандық электр торабы тарапынан тиісті тексеру жұмыстары жүргізіліп, тексеру барысында пәтеріңізге беріліп отырған  электр тоғының қуаты 210 вольтты құрайтыны анықталған.   №21 10/0,4 кВ трансформатордан шығатын 0,4 кВ әуе желісінің соңғы бөлігіне қосылғандығыңызды ескеріп, бұл көрсеткішті қалыпты жағдай екендігін білдіреді. Трансформатордан шығатын электр тоғының қуатын көтерген жағдайда, Сізге дейін сол желіге қосылған бастапқы тұтынушыларға жеткізілетін электр тоғының қуаты бекітілген мөлшерден асып, электр қондырғыларының істен шығуына әкеледі. Сонымен қатар, аудандық электр торабы, өз қаражаты есебінен, тұрып жатқан көп пәтерлі тұрғын үйдің ортақ электр желісін ауыстырғандығын жеткізеді.

         «Жеке  және  заңды  тұлғалардың  өтініштерін  қарау  тәртібі  туралы» Қазақстан Республикасының  2007 жылғы 12 қаңтардағы  Заңына  сәйкес  лауазымды  тұлғалардың  іс-әрекеттеріне (әрекетсіздігіне), сондай-ақ  субъектінің  шешімдеріне  бағыныстылық  тәртібімен  жоғарғы лауазымды  тұлғаға  немесе  субъектіге, жеке немесе заңды  тұлғаға  тиісті  субъектінің  немесе  заңды  тұлғаның  іс-әрекет  жасағаны не шешім қабылдағаны  туралы  белгі болған  кезден бастап, үш  айдан  кешіктірілмей  шағым  беруге  құқылы  екендігіңізді  түсіндіремін.

         Қосымша: Жалағаш АЭТ хаты – 1 парақта.

      

А.Дәрібаев

орын: Ө.Елеусінов

тел: 8/72431/ 31335

22.11.2019 Категория: Жалақыға қатысты қарыздар

Боранбаева Алтынай Асарбеккызы :

Вопрос:

Салеметсизбе. Аты-жоним Боранбаева Алтынай Асарбеккызы. Мен 2009-2013жылдар аралығында Қорқыт ата атындағы КызМУ-де физика математика факультеті, касиптик билим беру(ақпараттық технология )Мамандыгы бойынша билим алып шықтым. Содан бери жұмысқа орналаса алмай келемин. Жалагаш аудандык аграрлық индустриялық колледжинде мамандыгым бойынша жұмыс сұрап бирнеше мәрте бардым. Сұранысым жауапсыз қалды. Бир шешимин тауып беруинизди отинип сураймын

Ответ:

Жалағаш ауданы, Ақсу

ауылының тұрғыны

А. Боранбаеваға


2019 жылғы 22 қараша күні Сіз Жалағаш ауданы әкімдігініңhttp://www.zhalagash.gov.kz интернет-ресурсына мамандығыңыз бойынша жұмысқа орналастыруға көмек беру туралы жолдаған өтінішіңіз бойынша келесіні хабарлаймыз.

«Жеке және заңды тұлғалардың өтініштерін қарау тәртібі туралы» Қазақстан  Республикасының 2007 жылғы 12 қаңтардағы Заңының талаптарына сәйкес Сіздің өтінішіңіз толығымен зерттеліп, жан-жақты қаралуы қамтамасыз етілді.

Қазіргі таңда,Ақсу ауылдық округінде орналасқан жұмыс беруші мекемелер тарапынан Сіздің мамандықтарыңыз бойынша бос жұмыс орындарына сұраныс жоқ.

Алдағы уақытта жұмыс берушілер тарапынан Сіздің мамандықтарыңызға сәйкес келетін бос жұмыс орындарына сұраныс түскен жағдайда Сіздіжұмысқа орналастыру мүмкіндігі қарастыру назарға алынды.

         «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы №221 Заңының 12 бабына сәйкес лауазымды тұлғалардың іс-әрекеттеріне (әрекетсіздігіне), сондай-ақ субъектінің шешімдеріне бағыныстылық тәртібімен жоғары тұрған лауазымды тұлғаға немесе субъектіге, жеке немесе заңды тұлғаға тиісті субъектінің немесе заңды тұлғаның іс-әрекет жасағаны не шешім қабылдағаны туралы белгілі болған кезден бастап, үш айдан кешіктірілмей шағым беруге құқылы екендігіңізді түсіндіреміз. 



Жалағаш ауданы әкімінің орынбасары Р.Ержанов


Орынд:Э.Құттымбетова

тел: 31-3-93

23.07.2019 Категория: Жалпы мәселелер

Аймаханов Ишанхан Сейткасымович:

Вопрос:

Құрметті Қайратбек Әубәкірұлы! Мен Аймаханов Ишанхан Жалағаш кенті, Дәуімбай учаскесі, М.Маметова көшесінің 10 жылдан астам туратын тұрғынымын. Біздің көше тұрғындарының атынан бір жыл бұрын Сізге аула ішінен өткен электр желісінің бағаналарын көше бетке шығару және электр тоғы күшінің өте төмен болуы туралы арыз жазған болатынбыз. Арыз жауабында алдағы уақытта қаржы бөлініп, аталған мәселелер шешімін табады делінген. Бірақ әлі күнге дейін ешқандай жұмыстар жүргізілген жоқ. Осы мәселелерді өзіңіздің назарыңызға алып, шешімін тауып беруіңізді сұраймын. Әйтпесе электр тоғы күшінің өте төмендігі кешкі уақытта балаларымыздың сабақ оқуына, үйдегі электронды техникалардың жұмыс жасауына қатты кедергі келтіріп отыр. Мына ыстықта кондиционер қосуғада мүмкіншілік жоқ. Аулада орналасқан электр бағаналары тозығы жетіп құлайын деп тұр. Балаларымыздың басына түсіп кетема деп қорқамыз.

Ответ:

«Жеке және заңды тұлғалардың өтініштерін қарау туралы» Қазақстан Республикасының 2007 жылғы 12 қантардағы №221 Заңына сәйкес, Сіздің жоғарыда көрсетілген өтінішіңізге байланысты мына жағдайды жеткіземін.

М.Маметова көшесінде тұрғын үй жер телімі бұрынғы нысандар орнынан алынған. Электр қуатын жеткізуші аудандық электр торабы болып табылатындықтан тиісті жұмыстарды атқару сұралды. Сондай-ақ мәселенін өзектілігі ескеріліп аудандық бюджеттен қажетті жұмыстарды атқару үшін бюджеттік өтінім тапсырылып қаражат бөлу сұралуда. Қаражат бөлінген соң Жалағаш кентіндегі М.Маметова көшесінің бойындағы ВЛ-0,4 кВ электр желілері мен бағаналардың көше бетке шығару жұмыстары атқарылатын болады.

Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қантардағы Заңына сәйкес лауазымды тұлғалардың іс-әрекетіне (әрекетсіздігіне), сондай-ақ субъектінің шешімдеріне бағыныстылық тәртібімен жоғары тұрған лауазымды тұлғаға немесе субъектіге, жеке немесе заңды тұлғаға тиісті субъектінің заңды тұлғаның іс-әрекет жасағаны не шешім қабылдағаны туралы белгілі болған кезден бастап, үш айдан кешіктірілмей шағым беруге құқылы екендігіңіздерді түсіндіремін.

Жоғары тұрған лауазымды тұлға немесе субъект болмаған не арыз берушi қабылданған шешiммен келiспеген жағдайда арыз тiкелей сотқа берiледi.

04.07.2019 Категория: Жалпы мәселелер

Мустафаева Айгуль Избасаровна:

Вопрос:

Саламатсыздар ма, курметти жерлестер! Кеше Мэкеуден бир апай келип маган томендеги кисинин туыскандарын табуды тарсырды. Мен озим Жалагаш ауданында туып-остим, есимим Айгул, фамилиям Мустафаева, экемнин аты Избасар. ТАСКАРЕВ МИНИНБАЙ-красноармеец , стрелок 101 осбр.,1900 г.р. убит 09.1943.Перезахоронен : в Смоленской обл.21.09.2017году в Демидовском р-не Из Кзыл-Ординской обл.,Кармакчинского р-на,Кармакчинский РВК. Родственники-Джалагашский р-он,аул совет № 21. Жена-Таскарева Закул Именно такого содержания информация поступила мне от координатора Александра Семёнова,тел. 8 904 361 14 71 эл.адрес: aleksandrs@yandex.ru Айгуль,дорогая ,помоги отыскать родственников и дать им эту информацию о перезахоронении.

22.05.2018 Категория: Жалақыға қатысты қарыздар

Ілесбай Мақпал Қайратқызы:

Вопрос:

Сәлеметсізбе! Менің аты жөнім Ілесбай Мақпал Қайратқызы.Мен Жалағаш аудандық дене шынықтыру және спорт бөлімінің "Наркескен спорт клубы" коммуналдық мемлекеттік мекемесінде 2014 жылдан бері программист болып жұмыс атқарып келемін. Дипломмен ауылға бағдарламасы бойынша үй алғым келіп еді. Спорт саласында жұмыс атқаратын программистерге Дипломмен ауылға бағдарламасы бойынша үй алуға болады ма?

Ответ:

Жалағаш ауданы, Ақсу ауылы,

Елусінов көшесі №19/1 үйдің

тұрғыны І.М.Қайратқызына

 

Сіздің, Жалағаш ауданы әкімдігінің http://www.zhalagash.gov.kz ресми интернет-ресурсына 2018 жылдың 22 мамырындағы жолдаған сұрағыңызға төмендегіні хабарлаймын.

 «Дипломмен ауылға» бағдарламасы бойынша тұрғын үй несиесін алуға программист мамандығы заңдылыққа сәйкес келеді. Аталған бағдарлама бойынша қосымша сұрақтармен аудандық ауыл шаруашылығы бөліміне келіп, толық мәлімет алуға болатынын назарыңызға саламыз.

 “Жеке және заңды тұлғалардың өтініштерін қарау тәртібі туралы” Қазақстан Республикасының 2007 жылғы 12 қаңтардағы Заңына сәйкес лауазымды тұлғалардың iс-әрекеттерiне (әрекетсiздiгiне), сондай-ақ субъектiнiң шешiмдерiне бағыныстылық тәртiбiмен жоғары тұрған лауазымды тұлғаға немесе субъектiге, жеке немесе заңды тұлғаға тиiстi субъектiнiң немесе заңды тұлғаның iс-әрекет жасағаны не шешiм қабылдағаны туралы белгiлi болған кезден бастап, үш айдан кешiктiрiлмей шағым беруге құқылы екендігіңізді түсіндіремін.       

 

  Ж.Тажмаханов

 

 орынд.:М.Кальниязов

т.:31-8-88

 

 

 

04.05.2018 Категория: Жалақыға қатысты қарыздар

Ляззат Лаззат Ляззат:

Вопрос:

Сәлеметсізбе! Мен қанша жылдан бері жұмыс іздеуші ретінде тіркеліп, уақытша қоғамдық жұмыстарға жіберген.Осы күнге дейін жұмыссыз ретінде тіркеуде тұрсам да тұрақты жұмысқа орналастырған жоқ. Отбасымда күйеуім де өзімде жұмыссызбын. Күйеуіме қарауылдық жұмыс немесе өзіме еден жуушы жұмысына орналастыруыңызды сұраймын. Өтінішімді қанағаттандырады деген сенімдемін.

Ответ:

Ақсу ауылы, Конституция көшесі

 №3/2 үйдің тұрғыны

Л.Жиенбаеваға

 

2018 жылғы 4 мамырдағы

ВP-1 хатқа

Қазақстан  Республикасының 2007 жылғы 12 қаңтардағы «Жеке және заңды тұлғалардың өтініштерін қарау тәртібі туралы» Заңына сәйкес  аудан әкіміне веб-портал арқылы білдірген өтінішіңізді қарап, төмендегі жайды хабарлайды.

2018 жылғы 8 ақпанында халықты жұмыспен қамту орталығына «жұмыс іздеуші» ретінде тіркелгенсіз.

Ағымдағы жылдың 15 ақпаннан бастап 4 айға «Ақсу ауылдық округі әкімінің аппараты» КММ-не ақылы қоғамдық жұмысқа жіберілдіңіз.

«Жансейіт» жеке кәсіпкерлік субъектісіне 2017 жылдың 27 ақпаннан  31 желтоқсанға дейін әлеуметтік жұмыс орнына жіберілгенсіз.

Біліміңіз орта.

Жолдасыңыз Шаекеев Жансейіт-жеке кәсіпкер.

2016  жылы Ж.Шаекеев Ауыл шаруашылығын  қаржылай қолдау қоры арқылы 800 мың теңге несие алған (мал шаруашылығына).

Алдағы уақытта, Ақсу ауылдық округінде орналасқан жұмыс берушілер тарапынан кәсіби біліктілік талап етілмейтін бос жұмыс орындарына сұраныс түскен жағдайда жұмысқа орналастыру мүмкіндігі қарастырылатын болады.

Сізге «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы аясында шағын несие алып жеке кәсіпкерлікпен айналысу, мемлекеттік қолдау  шараларын пайдалана отырып, ерікті түрде қоныс аудару арқылы Қазақстан Республикасының солтүстік облыстардан ұсынылған бос жұмыс орындарына орналасу мүмкіндіктері туралы түсіндіремін. 

     «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы Заңына сәйкес лауазымды тұлғалардың іс-әрекеттерін (әрекетсіздігіне), сондай-ақ субъектінің шешімдеріне бағыныстылық тәртібімен жоғары тұрған лауазымды тұлғаға немесе субъектіге, жеке немесе заңды тұлғаға тиісті субъектінің немесе заңды тұлғаның іс-әрекет жасағаны не шешім қабылдағаны туралы белгілі болған кезден бастап, үш айдан кешіктірілмей шағым беруге құқылы екендігіңізді түсіндіремін.

                                                                                        

                                                                                                                Р.Ержанов

Орындаған:Э.Құттымбетова

Тел:87243131393

11.12.2017 Категория: Өлкелер

Арманов Медет :

Вопрос:

Здравствуйте Кайратбек Сарсенбекович! Я сейчас живу в Карагндинской области. Детство мое прошло в Жалагашском районе. Хочу Вас поблагодарить за отличный сайт. Узнаю много нового о своем районе. Желаю процветания району. с уважением Медет.

Кіру