Русский Қазақша

ЖАЛАҒАШ АУДАНЫ

Әкімдігінің ресми интернет - ресурсы

ІЗДЕУ
Аудан
Билік
Құқық
Экономика
Бизнес
Инфрақұрылым
Қоғам
Мем. қызметтер
Байланыс
Әкім блогы
Анықтама
Сайт картасы Аудан әкімі аппараты
Билік
Құқық
Экономика
Басты бет Қоғам Ішкі саясат

Ішкі саясат

Аудандық ішкі саясат бөлімі бойынша 2017 жылдың 6 айында атқарылған жұмыстар туралы

 

Жалағаш ауданы бойынша қоғамдық-саяси ахуал тұрақты.

2017 жылға арналған Жалағаш ауданының қоғамдық-саяси маңызды шаралардың күнтізбелік жоспары бекітіліп, жоспарға 51 қоғамдық-саяси, мәдени, спорттық шаралар енгізілді.

Мемлекеттік рәміздердің пайдалануы мен насихатталуы

Жалағаш ауданы бойынша Мемлекеттік рәміздердің насихатталуы және қолданылуы, осы арқылы азаматтарға патриоттық тәрбие беру бағытында бірқатар жұмыстар атқарылуда.

Кент орталығында мемлекеттік рәміздерге арналған билборд орналастырылған және Жалағаш кенті мен Бұқарбай батыр ауылдық округі орталығында Қазақстан Республикасының Мемлекеттік рәміздер алаңдары бар. Барлық білім беру мекемелерінде аптаның әр дүйсенбісінде сабақ оқушылардың Қазақстан Республикасының Мемлекеттік Гимнін айтуымен басталады. Бұл білім беру мекемелерінде дәстүрге айналып отыр.

Қазақстан Республикасы Мемлекеттік Рәміздерінің қабылданғанына 25 жыл толуына орай аудан көлемінде көптеген шаралар ұйымдастырылады. 2017 жылғы 3 маусым күні аудан орталығында «Менің Қазақстаным» атты мерекелік шара өткізілді.

Алдағы уақытта аудандағы бірқатар мекемелерге жаңа үлгідегі Мемлекеттік Елтаңба алу үшін қосымша қаржы бөлу қажеттігі туындап отыр.

           

Діни бірлестіктермен жұмыс

Қазіргі таңда Жалағаш ауданы бойынша діни ахуал тұрақты. Діни ахуал тұрақтылығын сақтау мақсатында ауданда аудан әкімі жанындағы діни бірлестіктермен байланыстар жөніндегі кеңес, Дін саласындағы мемлекеттік саясатты түсіндіру, тұрақтылықты нығайту және діни экстремизмнің алдын алу мақсатында құрылған Жалағаш аудандық ақпараттық түсіндірме тобы, Жалағаш ауданының әкімдігі жанындағы терроризмге қарсы комиссия жұмыс атқаруда.

Аудан әкімі жанындағы діни бірлестіктермен байланыстар жөніндегі кеңес, терроризмге қарсы комиссия құрамдарына өзгерістер енгізіліп, 2017 жылға арналған жұмыс жоспарлары бекітілді. Аталмыш жоспарға сәйкес комиссия отырыстары өткізіліп, нақты тапсырмалар беріліп, жоспарға сәйкес жүйелі жұмыстар жүргізіліп келеді.

Жыл басынан бастап аудандық ақпараттық түсіндірме тобының мүшелерімен 6 дөңгелек үстел, 5 акция, 35 кездесу өткізіліп, барлығы 3140 адам қамтылған.

Мемлекеттік жастар саясатының жүзеге асырылу барысы туралы

Жалағаш ауданы бойынша 14 пен 29 жас аралығында 8865 жас тіркелген. Бұл көрсеткіш халық санының 24,7 пайызын құрайды. Оның ішінде кент жастары - 3923, ауыл жастары - 4942 (Ерлер саны - 4564, қыздар саны – 4341).

Жалағаш аудандық жастар ресурстық орталығының 2017 жылдың жартыжылдығында жүргізген жастар санағы қорытындысымен жұмыссыз және NEET санатындағы 496 жас анықталды. Олардың жұмыссыз екенін анықтау мақсатында жүргізілген адрестік жұмыстар нәтижесінде көпшілігі оқу орнын бітіріп, жұмыс таппай жүрген, жоғары немесе орта арнаулы білімі жоқ жастар мен бала күтіміндегі аналар, сондай-ақ денсаулығына байланысты жарамсыздар мен жұмыстан өз еркімен босаған жастардан құралып отыр.

2017 жылы жергілікті бюджет есебінен жастар саясаты саласында мемлекеттік әлеуметтік тапсырыс арқылы жастар ұйымдарын қаржыландыру бойынша аудандық ішкі саясат бөлімінің мемлекеттік әлеуметтік тапсырысы аясында 1 әлеуметтік жоба жүзеге асырылуда. Осы мақсатқа аудандық бюджеттен 2 млн 290 мың теңге қаржы бөлініп, Жалағаш ауданы жастарының «Темірқазық» қоғамдық бірлестігі арқылы іс-шаралар жүзеге асырылуда.

Аудан бойынша жұмыссыз жастарды кәсіпкерлікпен шұғылдануға тарту және жас кәсіпкерлер базасын қалыптастыру жұмыстары нәтижесінде 168 жас кәсіпкер анықталды. Жастар ресурстық орталығы аудандық кәсіпкерлер палатасымен бірлесіп дөңгелек үстелдер мен семинарлар өткізу арқылы жастарды кәсіпкерлікке баулу және олардың сауаттылығын арттыру жұмыстарын белсенді жүргізуде. Семинарларға Қызылорда облысының кәсіпкерлер палатасының «Бизнес тренерлері» шақыртылып, мемлекеттік бағдарламалар бойынша түсіндірме жұмыстары жүргізіліп, қатысушыларға арнайы кәсіпкерліктің негізгі курсынан өткендігі жөнінде сертификаттар табысталды.

Жастардың бос уақыты мен демалысы үшін жағдайлар жасау, шығармашыл жастарды қолдау мақсатында конкурстар, ойындар, дарынды жастар арасында турнирлер өткізу бойынша Жастар ресурстық орталығының ұйымдастыруымен 2017 жылдың 6 айында 39 - кездесу, 6 - мерекелік шара, 6 - акция, 4 - әртүрлі бағыттағы шара, 6 - қоғамдық түнгі рейд, 6 - кеңес беру, 3 - оқу-семинарлар өткізілді.

Жастар ресурстық орталығы арқылы ауданда мемлекеттік жастар саясатын жүзеге асыруда бірқатар кедергілердің орын алып отырғанын айта кеткен жөн. Мысалы, аудан жастарының төлқұжатын дайындауда аудандық бөлімдер мен мекемелер тарапынан ақпаратты дер кезінде алу қиындығы туындап отыр. Аудандық бөлімдер мен мекемелерде жастар саясатына жауапты етіп бір маманға бөлім басшысының бұйрығымен міндеттеу ұсынылады

Кент және ауылдық округтердегі жастар саясатын жүзеге асыру міндеттелген мамандар тапсырмаларға немқұрайлылықпен қарап, тиісті жұмыстарды өз деңгейінде орындамай отыр. 2017 жылдың 5 айында кент және ауылдық округтерде жастар саясатын жүзеге асыруда атқарылған жұмыстардың есебін тапсыруға Аққұм, М.Шәменов, Жаңадария, Жаңаталап, Ақсу ауылдық округтерінің жауапты мамандары жауапсыздық танытып, есеп беру жиынына қатыспаған. Сонымен қатар Жалағаш кенті, Аққұм, Мәдениет ауылдық округтерінде жастар ісіне жауапты мамандардың жас ерекшелігі ескерілмей жүктеліп отыр. Бұл өз кезегінде аудан бойынша мемлекеттік жастар саясатын жүзеге асыруда және орталық жұмысын үйлестіруде кедергі келтіріп отыр.

           

Үкіметтік емес ұйымдармен жұмыс

Жалағаш ауданы бойынша бүгінгі таңда әділет органдарында тіркелген 23 үкіметтік емес ұйым бар. Олардың 11-і қоғамдық қор болса, қалған 12-уі қоғамдық бірлестіктер. Оның ішінде 2-уі жастар ұйымдары.

2017 жылы аудандық ішкі саясат бөлімі арқылы мемлекеттік әлеуметтік тапсырыс шеңберінде жергілікті бюджеттен 7 500,0 мың теңге қаржы бөлініп, қазіргі таңда 6 әлеуметтік қызмет жүзеге асырылуда.

«ЭКСПО-2017» Халықаралық мамандырылған Көрмесіне мүмкіндігі шектеулі азаматтар мен зейнеткерлерді апару қызметін ұйымдастыруға 7 985,0 мың теңгеге қаржы қаралып 2017 жылдың маусым-қыркүйек айлары аралығында 140 ардагерлерді Астана «ЭКСПО-2017» Халықаралық мамандандырылған Көрмесіне саяхат жасауға «Самұрық» Инновациялық иделяарды дамыту орталығы» қоғамдық қорымен келісім шарт жасалынып 23-28 маусым аралығында 52 ардагер саяхат жасап келді.



Кіру